很多客人都會在極度不健康的關係中才會找塔羅師，要在牌中找出這些扭曲、畸形、令人困獸鬥的關係，以下幾張核心牌一定會上榜。
大牌：
- 惡魔（The Devil）
上癮式關係、性與金錢交換、情緒勒索、控制、被物質或慾望綁住，兩個人都知唔健康但唔想走開。好適合形容虐戀、PUA、互相消耗嘅關係。 - 高塔（The Tower）
關係發展得太差，最終以爆炸式崩塌收場。激烈爭吵、醜聞爆出、突然分手、真相揭穿。呢張牌多數代表關係早就建立喺錯誤上面，自欺欺人。 - 吊人（The Hanged Man）
為愛而自我犧牲，甚至乎變成自我虐待的狀態，即單方面付出、長期等待對方回頭、明知對方唔會俾承諾都硬係吊住。當事人好多時會合理化對方傷害，扭曲咗自己對愛的標準。 - 月亮（The Moon）
關係裡面好多秘密、情緒化、疑神疑鬼，又或者當事人沉迷於自己幻想中，把對方理想化，睇唔清對方真面目。
小牌：
- 聖杯七（7 of Cups）
幻想、投射、唔肯面對現實，對方只係你想像中的樣子，或者你不停幻想佢將來會變好，可是，真的嗎？ - 聖杯十（10 of Cups）
家庭或婚姻表面和樂，實際充滿冷暴力、權力不平衡、為面子而維繫。 - 寶劍三（3 of Swords）
三角關係、內心受傷、背叛與心碎；有時係當事人長期留喺明知會再度受傷的關係裡。 - 寶劍七（7 of Swords）
偷偷摸摸、出軌、隱瞞、躲避責任，愛情變成互相試探、欺騙、玩心機。 - 權杖十（10 of Wands）
扛晒所有責任、為維持關係而透支自己，累到只剩義務，而不是愛。 - 錢幣六（6 of Pentacles）
假慷慨真霸權。好常見sugar關係、經濟PUA，付出唔係愛，而係求權力或回報。
實際解牌
實戰時，多張牌配合會變成更扭曲，例如戀人＋魔鬼＝表面好甜蜜，實際互相綑綁、操控、依賴；力量＋魔鬼＝控制欲極重的關係。此外，在同一牌陣中，這些牌是否集中在現況、未來和對方對你態度的位置。
